MARUISM

Ibang klase talaga ‘tong si Pareng Badoodles. Parang alam nya na kung nagkataon na may ibang nag sponsor o nagpakontes ng Best Humor Blogs….eh malamang homerun o landslide sa boto ang Kwentong Barbero. Siguradong waging-wagi sya sa galing at pagiging nuknukan sa katatawanan ang blog nya. Sa wit and humor…nanlilimahid talaga si Pareng Badoods. Buti na lang at sya ang nag sponsor at exempted sya na iboto.

Eto ang mga Super Cool Blogs ko:

1. JON CABRON – Mabubura siguro ako dito sa mundong ibabaw pero mananatiling idol ko pa rin as a blogger ang taong ‘to. Isa sa pinagkakautangan ko ng loob kung bakit na-inspire ako mag blog. Ismarte, matalino, bohemyo, matalas, matulis at magaling maglaro ng mga salita. Once na nagbitiw ng salita si idol. . . sapul talaga. Ewan ko ha, pero bihirang pumalya na patawanin ako ng blog nya.

2. DEFPOTEC – Ay, mahal ko ‘to! Malaki-laki ang isinuhol neto sa akin para ilagay ko sya sa pangalawang pwesto. Oo, libo-libo ang bayad. Hehe! Pwera-biro, wala pa man ako noon sa Wordpress at hindi pa niya ako kilala, pag gusto ko maaliw at matawa pumupunta lang ako sa blog ni Moo. Minsan nga kahit nabasa ko na yung entry, kinabukasan eh inuulit ko pa rin na binabasa. Para nga akong engot kasi minsan buong araw pa ako nakatambay dun sa loob ng blog nya, nag aabang at panay refresh ng browser . . . baka sakaling may bagong hain na entry.

3. JOJIE – Hindi pwedeng hindi ko ‘to maging paborito. Labs ko ang babaing ‘to na may power supply/generator na itinatago sa loob ng mga blue curlers nya. Try nyo basahin ang blog nya at ewan ko na lang pag hindi kayo mawindang sa kakulitan nya. Kadugo ko ‘to sa pagiging lukaret.

4. GASTI – gusto ko ang sense of humor ni Pareng Gasti. Magaan sa mata pag binasa mo mga entries nya at higit sa lahat, isa ‘to sa mga nakilala kong blogger na walang ka ere-ere sa ulo o sa madaling salita – hindi mayabang. Pag binasa mo mga sinulat nya. . . andun yung tatapusin mo talaga ang pagbabasa hanggang dulo kasi nga hindi boring.

5. MARUISM – sabi ng namayapa kong ina sa akin, dapat daw matutunan kong maging hambol, wag maging maangas, huwag maging bias at sikapin na maging patas lagi sa mga laban sa buhay.

Pero sabi naman ng tatay ko, mahalin ko lagi si Lord at dugtong pa nya na next to God eh kelangan mahalin ko rin sarili ko. Nagkataon na mas close ako kay tatay at mahal ko sarili ko kaya sa pakontes na ‘to ng mga super cool blogs, i therefore vote for — MYSELF! (Ang may magreklamo, babarilin ko. Lols!) Sabi nga ni Jojiepie, “sayang ang frice eh”.

Malay ko nga naman at baka jumakpat ako dito sa pakontes na ‘to. Syeeeet, men…pag nanalo ako…lahat ng bumoto sa akin ay bibigyan ko ng 3-months supply ng polvoron ko. Tsaka may one-night treat din na hahayaan ko silang lahat na panoorin ako na nagbe-belly dancing, lap dancing, pole dancing, strip dancing, street dancing at lahat na ng klaseng dancing hanggang sa masuka sila. Kung ano man ang gusto nila isuka mula sa katawan nila ay wiz ko na type alamin at kever ko.

Imadyin, kinse mil ang isa sa pwede makuha na friceee! Josko! Mahal na Poon, ….kung saka-sakaling mabunot ako sa pa raffle…. idi-dibayd-dibayd ko siguro ang 15 thousand dun sa lahat ng bumoto sa akin. Bwahaha!

O ano? Boto na! (ala-Sakay Na! ni ate shawie sa commercial ng superferry)

Marami pa akong mga peborits at marami pa sana akong babanggitin na mga super cool blogs kaso ang apat na nabanggit ko sa itaas pa lang ang nagbigay ng suhol sa akin sa pamamagitan ng pag confirm ng orders nila ng polvoron sa akin sa pasko.

P.S.

Nagsisinungaling lang ako sa huling paragraph.

*******************

Para sa mga gusto ding sumali at bumoto ever eto ang mechanics:

1. Kailangang may sarili kang blog.

2. Iboto ang iyong 3-5 peyborit humor blogs sa pamamagitan ng pagpo-post tungkol sa mga ito sa iyong blog. I-rank ito mula Number 1 hanggang Number 5.

3. Ang mga binotong humor blogs ay magkakamit ng kaukulang boto:
- Number 1 – 5 votes
- Number 2 – 4 votes
- Number 3 – 3 votes
- Number 4 – 2 votes
- Number 5 – 1 vote

4. Ang title ng iyong post ay pwedeng “Project Lafftrip Laffapalooza”, “Super Cool Blogs”, “Best Humor Blogs”, “5 Blogs Na Nakakatawa” o kahit anong title na maisip.

5. Ang iyong post ay pwedeng in ispokening inglis o Tagalog.

6. Sa iyong post kelangan mong banggitin na sumasali ka sa Project Lafftrip Laffapalooza at i-link ang site ng http://kwentongbarbero.com

7. Kung sa tingin mo ay isa ka ding humor blog, pwede mong iboto ang sarili mo. Matapos naming i-evaluate kung humor blog ka din, ay sasabihan ka namin kung qualified ka nga.

8. Tandaan, tatlo hanggang lima lang ang pwedeng iboto. Hindi pwede ang tie sa iyong ranking.

9. Mag-iwan ng comment sa page na ‘to para malaman namin kung may pinost ka nang peyborit blogs sa blogsite mo under Project Lafftrip Laffapalooza.

10. Kung sakaling papalitan ang ranking ng mga binoto o kaya may papalitan kang peyborit blog [nag-LQ kayo, hindi bati, etc], kelangang i-inform kami.

11. Heto ang sample entry ng pagboto.

Premyo

1. Kung ang kahit isa sa mga binoto mo ay makapasok sa final tally ng Top 10, makakasama ang pangalan mo sa bubunuting raffle ng isang independent third party committee. Ang isang mabubunot ay pipili ng kanyang magiging premyo [isa lang sa mga sumusunod]: Nokia N70 Music Edition, Sony Cybershot Digital Camera, o halagang 15,000 pesos.

2. Ang mga makakapasok naman sa Philippines 10 Best Humor Blogs ay makakatanggap ng certificates at exclusive bragging rights. Ang Top 3 sa mga ito ay makakatanggap ng ‘Oscars of Blogging’ na tropeo. Ang mga mananalo ay i-aanounce sa site na ‘to sa 2008.

May tanong? Email na lang sa dwmx2@yahoo.com

**************

Fantasy Football — Week 11
Patriots come off bye-week and wallop Bills …

To receive this blogs articles for FREE on your email inbox, just enter your email address below and click 'Go': Delivered by FeedBurner