Alaala Ng Boracay

Anim na taon na ang nakakalipas ng nakapunta ako ng Boracay Island. At hindi ko alam kung kelan ulit ako makakapunta. Kakainis nga kasi di man lang ako nakapag-suot ng 2-piece nung nakapunta ako dun. Lols. Asa pa ako. Eh kasi naman, shy pa ako noon. Shy daw o! Pero masaya ang experience ko kahit dalawang araw lang ako dun. Mas ninamnam ko ang mga magandang tanawin dun kesa maligo sa dagat.

Sa sobrang ganda ng isla…naitanong ko noon sa sarili ko na ano na lang kaya ang ganda nya nung isang virgin island pa sya? Walang katapat siguro. Noong wala pang kuryente ang isla, noong wala pa masyadong dumadayo dun, noong wala pa ang mga mga nakahilerang bars and restaurant na parang mga kabute na nagsulputan dun ngayon, noong wala pa ang mga magagarang hotel dun. Siguro wapak talaga ang kagandahan ng Boracay.

IMG_1062

Taga Kalibo, Aklan mismo ang nag imbita sa akin noon na pumunta ng Boracay at marami silang kwento sa akin noong hindi pa masyado dinadayo ang lugar. At talaga naman daw na yung mga kakaunting turista na nakakarating noon… hangang-hanga at tuwang-tuwa sa mga puca shells, at mga starfish na talagang naglipana lang sa dalampasigan.

IMG_1060

Sa ngayon kasi, wala ka ng makikitang mga shells at naubos na. At kung meron man…ibinebenta na. Yung puti at pinong buhangin na parang Lafemme Polvoron (naks! plugging) na lang ang siempre na andun. Lahat na lang yata dun ay may bayad na eh.

Kahit ako nung pagpunta ko dun…kahit pinagbabawal ang magbaon ng buhangin palabas ng isla, aysus! nag take-home kaya ako ng buhangin. Wahaha! Pinagtiyagaan ko bitbitin ang isang 1.5 na basyo ng Coke na punong-puno ng buhangin ng Boracay! Pinagtawanan pa ako nung ng mga kaibigan kong taga-Kalibo.

IMG_1061

Iba na siempre ang may ebidensya ako sa mga kaibigan ko noon na nakarating na ako sa isla.

Hanggang ngayon ay naka-garapon pa rin dito sa bahay ang naiuwi kong buhangin at corals mula sa Boracay. Kalahati na lang kasi yung iba ay ginawa kong palamuti sa ginawa kong handmade photo frames na binudburan ng buhangin at dinikitan ng mga shells.

photo-frame1.jpg

(Sensya na sa kuha…selpon cam lang gamit ko dito )

One thought on “Alaala Ng Boracay

Leave a Reply

Your email address will not be published. Required fields are marked *