M A R U I S M

May dalawa akong puno ng mangga dito sa lupain ko. (Lupain daw o!) Isa sa harap ng bahay at yung isa naman ay nasa likod at tapat ng kwarto ko. Kaso may problema noong una kasi parang mga baog ang mga puno.

Opss! Naalala ko, namunga na pala noon minsan ng mga sandosena lang pero hindi na nasundan.

Hanggang sa may kumausap sa akin na mga lalaki na mga ka-barangay ko at yung lider nila ay itago na lang natin sa pangalan na Manong.

Type daw nila magsaboy ng sperm cells este mag-spray ng chemicals para pampabunga ng mga puno ko. Pinaka-type nila yung puno na nasa likod ng haybol ko.

Deal namin, sila ang mag i-spray hanggang sa mamulaklak at pag lumabas na ang mga bunga…sila na rin ang bahala sa pagbabalot ng newspaper sa bawat bunga.

Imperness, marami din akong natutunan sa kanila sa cycle ng pagpapabunga ng mangga mula ng inalagaan nila ang puno ko.  Hindi rin pala madali.

Kala ko nung namulaklak na sya, ay yun na yun at hahayaan lang. Susme, yuyugyugin pa pala muna yung buong puno para malaglag yung mga walang wenta na bulaklak hanggang sa matira yung mga matitino.

Akala ko noon kaya sila tinatakpan o binabalot ay para SURPRISE pag hina-harvest na sila! Akala ko ay para hindi makita ng mga tao kung gaano na sya kalaki at para hindi pag interesan nakawin. Hehe!

Mali ako, kaya pala kelangan balutin ng papel yung bunga ay para maprotektahan sila kontra insekto.

2:1 ang usapan namin na hatian ng mga bunga. 2 sa kanila, 1 sa akin. Bah! Hindi na masama. ‘Kako kahit sandosena nga lang ang ibigay ay OK na sa akin.

Katwiran ko, kesa naman tumanda at maging inutil lang yung mga puno ko… mas mabuti na yung napapakinabangan. Wala din naman akong gagastusin para sa pag-aalaga ng mango orchard ko. (Mango orchard daw o!)

October nang inumpisahan nina Manong ang pag-spray. Last week lang dahil sa sama ng panahon, may mga nalalaglag na mga hinog na bunga at tinikman ko. Aba! Aba! Matamis! Wagi!

Dahil sa more than one week na pag uulan… noong sabado nag decide si Manong na i-harvest na ang mga mangga at baka daw masira lang ang mga bunga.

Hindi ko akalain na makaka-SAMPUNG kaing kami.

Kung bibilangin namin isa-isa para sa hatian na 2:1, sa sobrang dami . . .ay baka abutin kami ng Valentines Day bago matapos kaya minabuti namin na timbangin na lang lahat.  

30 kilos bawat kaing.

At ang SHARE ko?  Dyaraannnn! TATLONG KAING lang naman!

Siempre tuwang-tuwa si Mamaru kahit napagod. Pero sa totoo lang ay namomobrelema ako kung aanhin ko ang ganitong kadaming MANGGA!

Namigay na ako sa lahat ng kapitbahay namin. Nagbigay na rin ako sa kapatid ko at mga pamangkin. Pinabenta ko na nga yung iba  sa ate ko para mabawasan. Pero madami pa rin ang natira dito sa bahay. Hindi ko alam kung paano namin kakainin ng mga bagets ko pag nagkasabay-sabay na mahinog ang mga ‘to.

Panay na ang surf ko ng mga recipes na may kinalaman sa mangga. Kaya sana hindi magtaka ang mga bagets ko pag pati sinaing namin ay mango-flavored na rin sa susunod na mga araw.

Well, para sa bwena-mano na pakinabang sa mga biyayang bunga, gumawa agad ako ng BANANA MANGO SMOOTHIE kahit nilalamig kami noong sabado.

Abangan ang mga susunod kong gimik sa pag-ubos ng mga mangga ko.

* * * * * * * * *

Quote of the Day:
“Recommend to your children virtue; that alone can make them happy, not gold. ”
–Ludwig van Beethoven