MARUISM

Kahapon, nag text brother ko para sunduin na kami pauwi galing Robinson-Galleria. Nagmamadali na kami ng doter ko palabas ng mall nang biglang namataan ko ang mahal na Poon!

Syet ang kras ko! Si Richard Poon nasa stage! Waaaaaaaaah!!

Hindi ako basta-basta kinikilig pag nakakakita ng celebrity, pero kahapon ng makita ko ang matagal ko ng kras na singer… parang sinilihan ang pwet ko. Biglang break kami ni Keziah sa paglakad! Di ako napakali!

Biglang umandar ang pagiging jologs ko. Gustong-gusto ko syang akyatin sa stage at magpa-kodak sa tabi nya. Wahaha! Kaso na-shy naman ako lalo na at kasama ko ang bagets kong babae. Paano naman ako hindi mahihiya sa anak ko eh sya yung bagets pero napaka-kalmado nya samantalang yung nanay nya, kilig na kilig na parang tinedyer. Shaks!  Baliktad yata. 

Gusto ko na sanang bumili agad ng album nya para makapagpa-otograp ako sabay pakodak na rin sana dun sa stage. Wahihi! Buti na lang at nahimasmasan ako. Biglang nanghinayang sa P350.00. Hahaha! 

Kaya eto, nakuntento na lang ako na kodakan ang mahal kong Poon sa malayuan. Kung gaano kalabo ang mga piktyurs, ganyan na ganyan din ang paningin ko kahapon dahil hindi ko suot ang eyeglasses ko.  Hays… ni hindi ko man lang nakita ng malapitan ang mahal kong Poon. Lols.