M A R U I S M

BIRTHDAY ko kahapon.

(Parang may nagre-react sa likod ko. Ang sabi, “eh ano ngayon?”)

At plis huwag nyo na ako tanungin kung ilang taon na ako. Kung gusto nyo – magsuntukan na lang tayo kesa tanungin nyo ko sa kabastusan na yan.

Paano ko ba sinelebreyt ang bertdey ko kahapon? Howel, pinasara ko lang naman lahat ng bangko sa Pilipinas dahil bertdey ko. (Siempre, sabado eh!)

Aktwali, hindi naman talaga ako nagse-selebreyt. Kumbaga, eh wala lang. Nakasanayan kong magdasal lang sa umaga para magpasalamat kay Papa Lord dahil nag bertdey na naman ako. Yun na yun.

Kadalasan, pag bertdey ko, nagte-text lang para bumati sa akin ang mga pamangkin at mga kapatid ko. Bihira o halos walang may nagte-text sa akin na kaibigan (dahil siguro kadalasan eh wala akong handa! Bwahaha) Ka-pamilya at ka-puso ko lang talaga ang nakakaalala.

Hindi ako naghahanda. Hindi rin ako nagpapansit. Ang gusto ko lang pag bertdey ko ay magkaroon ng cake.

Last year, cup cake lang meron ako. This year, dahil sa medyo naglevel-up na ako, ibinili ko ang sarili ko ng pinakabagong cake ng Red Ribbon…ang Chocolate Heaven.

Eto sya, kaso selpon cam lang gamit ko kaya bomalabs ang shot.

Aktwali ganito sya ka-photogenic dun mismo sa poster ng Red Ribbon.

At dahil araw ng Sabado ang bertdey ko…home alone na naman ako sa bahay at ang mga junakis ko ay nasa kani-kanilang school activities.

Oo, may kendel ang slice ng cake habang lumalafang ako. At oo, may apoy sya. Bakit ba!

Lumafang ako mag-isa ng cake ko habang nasa harap ng ‘pyuter at naglalaro ng ZUMA. Paano naman hindi ako gaganahan sa paglalaro ko ng ZUMA….

Eh bago kaya ang LCD monitor kooooooooooo! Mwehehe! Pa-berdey yan sa akin ng Kups ko. Naikabit ko rin ang kable na padala nya for my HP Mini. Syet! napuyat ako ng todo sa kalalaro.

oOo

Kahapon pa ang bertdey ko pero UMAGA pa lang…kumpleto na ang araw ko. Bukod sa mwaahugs ni Kevin at Keziah sa akin, nangiti ako sa nakita ko sa sidebar ng Facebook ko.

Eto ang napansin ko…

Ayay! I’m the bestest MOM ever for my daughter Keziah.

Mi Unica Hija, Keziah

Piniktyur tagged din nya ako sa Facebook at bale eto na rin pinaka-regalo sa akin. Sabi ko kasi sa kanya eh i-drawing nya ako.

Gawa nya ‘to sa MS-Paint. Tawa ako ng tawa kasi akong-ako talaga ang drawing nya. It’s me holding my Humor Blogger trophy, Ziah knows that peborit ko ang WordPress red shirt ko na ‘to.

Then, eto pa, gawa rin nya.

Dito naman suot ko ang black wedge kong shoes. At ang dress na yan ay hindi ko pa naisusuot. Nyek! Dress nga ba? Hindi ko rin kasi maintindihan…parang duster na ewan.

Ang lalim ng neckline nung isunukat ko… lumalabas dede ko. Hehe!

oOo

Eto ang dahilan kung bakit masasabi kong medyo naiba ang bertdey ko ngayon. Now lang ako ulit nag bertdey na may boyplen. Hindi man kami magkasama sa ngayon, pero pinaramdam pa rin sa akin ng man op maylap na importante sa kanya ang bertdey ko.

Andun yung nagpadala sya ng special message sa akin via email. At nag-text. Hindi nga lang tumawag dahil medyo may tampo-tampuhan kami nung isang araw.

oOo

Enways, tapos na ang bertdey ko pero abah! At may naging pahabol pa ang LBC kanina! May fuckage akooo!

Kups  ordered this sa internet, a basket of goodies. (Pang-meryenda ko habang nanonood ng porn?) Lol!

With red Vanda orchids.

Kaya naman, I’m giving Kups “A” para sa affort nya para maging hapi ako sa bertdey ko, Graveh, ang swerte-swerte ko na talaga sa boyplen ko na sobrang mapagmahal. Kunsabagay, nahirapan talaga akong ligawan yan at pasagutin noon kaya dapat lang.

Ops, may card nga pala yung gift basket. Pakita ko sa inyo ang dedekesyon dahil sa totoo lang, kinilig fekfek ko dito. (Binura ko lang yung name nya dahil baka mapagkamalan syang PRINCE.)

O ha! Anong sinabi ni Rapunzel sa sobrang haba ng hair ko ngayon?

Hapi na, bertdey pa!

oOo