Kahit madalas ay sinusumpong ako ng katamaran sa pagluluto, impernes naman sa akin, matutuwa ka pag sinusumpong ako ng kasipagan.
Pag may sumpong akong magsipag, ginagawa kong kumplikado ang isang pagluluto na kung tutuusin ay napaka-simple lang naman. Parang tanga lang noh?
Ewan ko ba, para akong adik. Minsan ay gusto kong pahirapan ang sarili ko sa mga trip ko.
Gaya na lang netong ginawa kong EGG MUFFINS chaharat na ‘to.
Imbes na i-pan fry lang ang vienna sausage o kaya i-scramble ang mga betlogs sa simpleng paraan para sa almusal namin, eto…nag-inarte ako.
Ginawan ko ng ibang twist. (O ha!! may twist-twist pa akong nalalaman ha! Neknek ko!)
Di ko alam kung bakit may sumpong aketch na magdiva-divahan sa kusina.
Kunsabagay, paminsan-minsan ay kelangan ibahin din natin o kaya mag isip tayo ng paraan na mabigyan ng kakaibang sigla ang mga pang araw-araw na lutuin natin para hindi boring at para pampawala na rin ng umay sa usual scrambled eggs.
Kasehodang itsurang weird ang kinalalabasan minsan ng mga cooking expirement. Hehe!
Pero ‘tong egg muffins ko, hindi ‘to expirement ha! Bunga ‘to ng paglalamyerda ko sa internet kasama si bespren Google.
Gaya-gaya lang ako aktwali. Madali lang naman kasi gawin. kasi kahit anong ingredients ang trip mo na ihalo sa itlog ay pwede!
Eto ang mga sahog na meron ako sa ref nang maisipan ko subukan magluto ng EGG MUFFINS. Kaya parang orig na rin ‘tong recipe ko. Chos!
Four pieces Vienna Sausage.
Bell pepper.
Kalahating red bell pepper lang ang nagamit ko para sa 4 na pirasong EGG MUFFINS.
Cheddar cheese na sobra-sobra lang sa naitagong keso de bola ko noong bagong taon pa.
Dahon ng sibuyas.
Binateng 3 pirasong betlogs. At siempre, salt and pepper.
Apat lang ang ginawa ko. Tig-isa kami nina Kevin, Keziah, at Sang. 
Tsaka sa toaster over ko lang kasi ibe-bake. Kaya tamang-tama lang ang apat na cupcake molder.
Umapaw ng konti ang mixture ko. Dapat pala ay hindi ko masyado pinuno ang molder. 
Lumabas na mga mukhang-bundat na bears ang tsura ng silicon molders ko. Hehe!
Hmmmn…mga 15 minutes lang na pagbe-bake, luto na agad.
Perpek na partner ‘to kahit sa tinapay man o sinangag na kanin.
HAPPY MONDAY, lovelies!
oOo
"Kung hindi ka handa magka-anak, huwag kang magtanggal ng panty!"
