Keziah @18

Susmio! Mga 3 araw na lang at matatapos na ang month of March.

Aabutan na ako ng April eh hindi ko man lang nai-post agad ‘tong importanteng ganap sa buhay ng bebegirl ko na nangyari last March 15.

Nilumot na nga yata ‘tong mga piktyur sa draft section ng blog ko.

Eh kasi naman, bisi-bisihan ang alindog ko sa mga anik-anik. Dami kong pinagkakaabalahan na mga walang kwenta. Hehe!

Heniwey, ayan! It’s opisyal na. Wala na akong menor de edad na junakis kasi my unica hija has turned 18 na.

Last month lang, yung panganay kong bebeboy turned 23 ….at dis month naman, 18 na ‘tong bebegirl ko. Waaaah! Ang laki na nga nila. Ako lang talaga ang hindi lumaki.

Parang aykent bilibit na 23 years na rin pala akong single mom.

Pero uulit-ulitin kong sasabihin, I don’t have any single regret na naging single parent ako. Hindi ko ipagpapalit sa kanino man o sa kahit ano man ang pagiging solong nanay ko sa mga junakis ko.

Kulang ang isang araw para mag-emote o kaya i-chika ko ang lahat-lahat na journey ko as single mom sa dalawang nilalang na nagmula sa matris ko. Lol.  Pero, teka! Bawal muna ako mag-emote ngayon kasi espasyo ‘to ng bebegirl ko.  Sa ibang araw na lang ang sariling kadramahan ko.

Lesgobak to my bebegirl.

Keziah @18

Keziah @18

Noong kapanahunan ko, wala akong ideya sa debut-debut na yan. Pramis, ni hindi ko na-experience ang magkaroon ng selebrasyon talaga tuwing birthday ko noon. Kaya naman, wala din akong maalala kung ano ang ganap noong 18th birthday ko. Ni hindi ko nga ramdam na babae ako noon sa totoo lang. Lol!

Wel, napag isip-isip ko, parang ayoko naman mangyari ang ganun sa anak ko – yung wala man lang naaalala. Haha!

Hindi ko sinasabi na bibigyan ko ng bonggacious na party ang 18th bday ng anak ko dahil obyus naman na hindi ko afford ang ganun. Oo, aminado ako, mayaman ako. Pero hindi sa pera. Sa ideya lang. Hehe!

Sa mga hindi nakakaalam, simula’t sapul ay hindi po ako yung klaseng single  mom na sustentado ng mga tatay ng anak ko.

(Click images for larger view.)

Enwey, napaka-fulfilling sa pakiramdam na kahit sa SIMPLENG paraan,  ay nagawa kong maging MEMORABLE sa doter ko ang 18th birthday nya.

Oo, hindi ako nabigo.

Ows? Talaga bang nagawa kong maging masaya ang anak ko sa debut nya? OO  naman! ( Nakita ko sa fez nya. Tsaka nanay ako kaya alam ko. Haleer! :D)

Naging magastos ba yung party ng anak ko? HINDI!

Natapyas ko ng halos kalahati ang gastusin. (Klap klap naman diyan!)

Paano ko naiwasan maging magastos? – Eh puro D.I.Y. kasi ang mga ginawa namin ni Keziah sa mga ibang detalye ng selebrasyon. 😀 At siempre, naging praktikal din ako.  Kako, hindi naman kelangan maging maluho. Ang maging simple at disente ay sapat na.

Mga one month din ang naging preparation namin. Maliban sa main course (food) at sa cake niya…the rest, puro collaboration na namin mag-nanay. I mean mga sariling gawa na lang namin.

Yung mga invitation cards, mga party decors gaya ng pompoms, buntings, origamis, photo booth props...mga sariling gawa na yun ng doter ko.  Ideya na rin nya ang party theme na Parisian Hipster.

Swerteng maituturing na simpleng tao lang ang anak ko. Simple lang ang mga gusto. Sabi nya, ayaw nya ng typical na debut party na may cottilon kembular at 18 roses chenelyn. Tsaka pang engrande na yun noh. Ayaw nya ng masyadong formal. Gusto nya yung chillax lang ang lahat. Higit sa lahat, ayaw nya ng magastos. Ayun! Swak sa akin yun! Kako, tamang-tama kasi wala din kasi kaming panggastos. Alam nya yun. Hehe.

(Click images for larger view.)

Ako na mismo ang dumiskarte sa pagluluto para mabuo ko ang  dessert buffet at sa pag set up ng candy bar nya.  DIY din ang party favor at yung ibang kaartehan.

(Click images for larger view.)

It was a very intimate dinner party. Guest of 30 lang. Mga ka-close na kaklase lang talaga ang nandun, kaya walang OP. Andun din yung 3 best amigas nya, at siempre…ang mga pinsan at kamag-anak. Sa awa ni Bathala, naging masaya naman ang selebrasyon. Lahat ay umuwi na nakangiti dahil lahat ay may nabitbit sa mga naging pakulo namin.

(Click images for larger view.)

Sa loob ng one month bago ang birthday nya,  I’m sure isa sa  hindi makakalimutan ni Keziah ay yung pagpa-praktis namin na mag-nanay as event planner kuno.

Impernes, ang dami namin natutunan. As in kaming dalawa lang kasi talaga ang nagplano at kumilos. Yung buong preparation, mula sa paglilista ng pangalan ng iimbitahin, pagbili ng mga supplies, yung palitan namin ng ideas, paggawa ng mga butingtings, hanggang sa pag-aayos ng venue mismo, kaming dalawa lang talaga ang nagpakapagod.

Natapos ang party na alam kong naging kuntento ang bebegirl ko. Higit pa sa mismong selebrasyon o doon sa loob ng apat na oras na kasayahan, alam kong memorable din sa kanya ang naging bonding namin sa pag aasikaso para mairaos ang 18th birthday nya.  At sana nga kung ano man ang mga natutunan nya dun sa naging experience namin na yun ay maikwento at maituro nya sa mga magiging anak nya in da future.

(Click images for larger view.)

Haaays, sa totoo lang, nakakapagod din yung paghahanda namin. Ilang gabi din akong puyat noon.

Gayunpaman, eto lang ang masasabi ko….

Masarap ang pa rin maging nanay! Bow!

oOo

“A single mother has backbone made of steel and a heart made of gold.” 

Leave a Reply

Your email address will not be published. Required fields are marked *