Category Archives: Buhay-Single Mom

Kape

Posted by

0

 

Dito sa bahay, ako lang ang sugapa sa kape. As in araw-araw akong lumalagok ng kape.

wpid-DSC_0253.jpg

Etong hapon lang, napansin kong ubos na pala ang laman na ground coffee ng garapon na ‘to?! Mantakin nyong naubos kong mag isa ang pagkalaki-laking garapon na ‘to!? Tsk!

2 lbs of ground coffee! It makes approximately 325 cups!

Aminado talaga ako, hindi kumpleto ang araw ko pag walang kape.

Ewan ko ba, bukod sa sex, isa sa pinakadabest na meron dito sa mundo ay ang KAPE. Hahaha!

image

 

Heniweys, hindi ako worid kung naubos na ang 2 lbs. ground coffee na bigay sa akin ng friendship kong si Nick last year.

May reserba ako noh!

My dear niece, Gaylani…finally mabubuksan ko na rin ‘tong padala nya sa akin. Salamat ulit, Gay!

 

Posted from WordPress for Android

oOo

“Nakakalungkot lang isipin na hindi kana tulad ng dati.”

Organic Fertilizer From Betlogs

Posted by

0

Dati, dini-deretso ko sa basurahan ang mga ‘to. Pero mula nang malaman ko na magandang fertilizer sa tanim ang mga eggshells, nag-ipon na ako.

Ang ginawa ko, may naka-ready na akong isang plastic na supot na nakasabit malapit sa may lababo ko para lagayan lang talaga ng mga eggshells ko.

eggshells

Kanina, pansin ko nag uumapaw na yung supot ko ng mga basyo ng betlogs. ‘

Kako, abah eh panahon na para sila ay…

Duruginnn!!!

Pulbusinnnn!!!

Gawin na silang pampatabaaaa!!!

Aahhhhh!!!

Grabe! Punong-puno ng poot at paghihiganti ang naramdaman ko kanina habang dinudurog at pinupulbos ang mga betlogs ng mga lalaki este basyo pala ng mga itlog ng manok sa blender. (Sensya na at nake-kerid awey talaga ako basta nakakaisip ng “betlogs”. Chos!}

Aktwali pwede naman durugin ng manu-mano lang ang mga eggshells, pero nag inarte ako kanina at trip ko  mag aksaya ng kuryente kaya sige….sa blender na!

crushed eggshells

crushed eggshells

crushed eggshells

Ayan, naka-garapon na at redi na sila para ibudbod o ihalo sa lupa.

Nakatipid na naman ang Mamaru. May libreng fertilizer na ako  ngayon para sa mga pananim kong mariwana. Joke!

 

Source via WikiHow

 

Posted from WordPress for Android

oOo

“Masarap pakinggan ang “INGAT KA” pero mas masarap pakinggan ang “IINGATAN KITA”

Iba Pa Rin Kung Ikaw

Posted by

0

 

thanks for hangin with meHindi naman siguro ka-OAhan kung sabihin kong hapi ako ngayon dahil nakausap ko ulit kanina ang isang taong sobrang naging close sa akin noon.

Ewan ko ba, masyado lang siguro akong na-dyeta ng seryosong kausap sa mahabang panahon kaya eto nangingiti ako sa tuwa hanggang ngayon dahil may kumausap sa akin kanina. Lol!

Iba pa rin kasi kung ang kausap mong tao ay yung kilala ka talaga at naiintindihan ka agad. Yung nakakapaglabas ka talaga ng saloobin mo tungkol sa mga kashitan sa buhay. Bilang isang single mom, marami akong angal at hinaing sa sitwasyon ko. Buti na lang yung kausap ko kanina ay hindi rin nalalayo sa sitwasyon ko. Isang solo parent din kaya madaling naka-relate.

Sa kausap ko kanina, kung mababasa mo ‘to…TENKYOW talaga!

Alam ko bihira na lang tayo nagkakausap na gaya ng kanina. Kahit medyo nahihiya ako sa ‘yo dahil kahit papano ay maraming pagbabago na rin sa mga buhay-buhay natin, (kahit hindi na tayo gaya ng dati), gayunpaman, maraming salamat pa rin sa paglalaan mo sa akin ng oras. Mwah!

oOo

“Sometimes all you need, is someone who can make you smile.”

Mainit Na Huwebes

Posted by

2

 

Sabi nga ni Ogie Diaz, "every gising is a blessing". True nga naman.  Kaya salamat po Lord, kasi I’m alive!

O ‘wag na maging ingrata ha? Nakapagpasalamat ka na ba? Dahil ang gumising na buhay ngayon ay isang malaking rason na para mag rejoice. We may have our rough days and sad days, but as long as we are breathing, sapat na para hindi mawalan ng pag asa sa buhay, sa mga posibleng magagandang mangyayari pa. Amen? ( Hello pastora, isdatchu?)

Ngiti-ngiti lang kasehodang parang nililitson na naman tayo dito sa Pinas sa sobrang init ng panahon ngayon.

Dito sa kuta ko, 34’C ang temperature ngayon . Kaya naman, umaga pa lang ay nakaborles na agad ako. Joke lang po. Sobra naman kung naka-borles, naka-tupis naman po. Lol!

Ganda kaya ng araw ngayon.

image

Kahit mainit, nakaka-inspire pa rin humigop ng kape.

image

Nakakagana pa rin ang lumafang ng almusal. . . ng longganisa frittata.

image

Heniweys, eto sigurado ako sa sasabihin kong ‘to.

Sa sobrang init ng araw ngayon, hindi ako magtataka kung makikita ko si Taning aka Satanas na bumibili ng iced water sa kanto mamaya. Hahaha! Exaj!

Pero sa totoo lang, mas gugustuhin ko na ang ganitong panahon kesa sa panahon na maulan.

Have a nice Thursday and stay hydrated, lovelies!

 

 

Posted from WordPress for Android

oOo

B.J – B.J din kapag naiinitan! . . . . Buko Juice for Summer!”

Sana Bumalik Yung Dati

Posted by

0

 

1. Ako na yata yung taong walang kapaguran mag-isip.

2. Oo naman, hobby ko ang mag-isip kahit kadalasan puro mga kababawan at mga walang ka-kwenta kwenta lang naman ang mga iniisip ko. Pero impernes naman sa sarili ko, minsan ay marunong din naman ako mag-isip ng malalim at may kabuluhan. Yung mga tipong pang-Einstein na way of thinking bagah. Chos!

3. Ang dami kong gusto isulat. Ang dami kong gusto sabihin galing sa isipan ko. Ang dami kong gusto ilabas na damdamin galing sa dibdib. Gusto ko silang ilagay lahat dito sa blog ko kasi nagrarambolan na yung mga words dito sa bungo ko. Yung tipong no-holds barred na confession keme. Oo, ganeern!

4. Marami akong kadramahan sa buhay. Marami akong gustong ipagtapat na  masasayang moments ko ngayon. Siempre meron din malungkot at meron din nakakabwisit. Kaso, parang hindi pa yata ako handa i-share ng lahat-lahat sa mundo. Kaya ayun, ang resulta ay puro nauuwi na lang sa "draft" ang mga naisusulat ko.

5. Ewan ko ba, dinadaga na ang dibdib ko para mag-share ng saloobin ko sa mga bagay-bagay lately. Naduduwag na yata ako. Hindi naman ako ganito dati. Pero totoo na dito sa blogging, sharing your thoughts and feelings with other people, aka readers, (na karamihan ay hindi ko naman personal na kilala) is sometimes a worry.

6. Eh kasi pag isina-publiko mo ang pagiging totoo o prangka mo sa sarili, malaki ang tsansa na it will be used against you sa maraming paraan. May makakaintindi pero andun yung may magtataas ng kilay at may maiinggit pa rin. Hindi na nga yata mawawala sa mundo ang mga inggitero.

7. Minsan, hindi mo sinasadya, hindi mo namamalayan eh nakakasakit ka na rin pala ng damdamin ng ibang tao samantalang ang tanging ginawa mo lang naman ay nagpapakatotoo ka. O di ba, nakaka-PUNYETA talaga isipin ang ganun!

8. Hays…sana dumating ulit yung mga araw na buong-buo na ulit ang kumpyansa at tiwala ko sa pagsi-share ng saloobin.

 

 

 

oOo

"One of the biggest mistakes I have ever made in my life was letting some people stay in my life for longer than they deserve."

Hair Henna

Posted by

4

image

Tagal ko rin naghanap ng hair henna. Sa Mercury Drug ko lang pala sya makikita.

Pagdating sa kaartehan tulad ng pagkukulay ng buhok, mas gusto ko talaga ang hair henna kasi mas safe gamitin. Walang ammonia at kung anik-anik pang kemikal na sangkap na nakaka-damage ng hairlalu.

Messy nga lang ang application pero pag nakasanayan na, magkakaroon ka na rin ng teknik para mas maging madali at hindi makalat ang paglalagay ng henna sa buhok.

Nga pala, P169.00 ang presyo ng isang box na may laman na 6 sachets at Made in India.

 

 

oOo
“Forget what hurt you, but never what it taught you”

Salamat Sa Pagresponde

Posted by

0

 

Tungkol ‘to sa problema ng external LCD monitor ko na nai-post ko kahapon. Nagkaguhit kasi sa gitna ng monitor ko at ‘la ako idea paano nangyari yun.

At may mga mababait na tumugon sa panawagan ko:

“Mam may line na yung lcd mo hindi na po narerepair yan! Common problem na po yan sa mga lcd monitor. In time lalaki pa yan line sa monitor mo!” – Nelson Liwanag Ramirez
*
“Pasira na nga yan Ms Maru.. Pero kung di pa naman sagabal mapagtitiyagaan pa..manipis pa lang yung line..” – Ian Gerard Capistrano
*
“Mamaru u need to replace your LCD…d2 sa manila may alam ako mabibilhan, pero dyan sa place mo di ko lang po alam. Try mo tingnan kung LED type po ba…check nyo kung ano type ng LCD. Meron naman tinda nyan sa SULIT ..sana makatulong.” – Asuncion Arick

- Nelson, Ian, At Arick, kahit nakaka-stress ang malaman na maiksi na lang pala ang buhay ng monitor ko eh maraming salamat pa rin talaga sa pagresponde nyo. Kung malapit lang sana location ko sa inyo, parang gusto ko kayo bigyan ng jacket bawat isa! Chos! O kaya i-treat man lang sana ng halo-halo sa Razon sa pagsi- share nyo ng mga nalalaman nyo. Pero buti na rin na andito ako sa Iligan at malayo sa inyo. O di ba, lusot ako sa pa-meryenda?! Lol!

*
“Kung naka-connect sya sa netbook mo, na-try mo na bang i-connect ito sa desktop mo? If you had already, meron pa bang line sa monitor? Kung meron pa, kelangan na siguro palitan ang monitor. Look for the warranty, baka sakaling sakop pa ito. Kung wala naman line when you connect it to your desktop, malamang nasa loob ng cpu ang problema. Subukan mo din hawakan sa right and left sides ang monitor and then apply a bit of pressure and twist the monitor as if your wringing a towel, uga-ugain mo pero dahan dahan.” – WS

- WS, sinubukan kong i-konek ang monitor sa desktop at sa ibang laptop, andun pa rin yung guhit. Derpor, tama ka, monitor nga ang may problema. Pero baka di ko pa mapapalitan sa ngayon kasi alam mo na. Wala na rin yung warranty kasi mga 3 years na ang nakalipas eh. Hindi ko na sinubukan yung suggestion mong pressing and twisting kasi natatakot akong baka mas lumala o lumaki yung guhit. Hindi ko na lang muna ikakabit yung LCD monitor – pag kailangan na lang siguro para medyo humaba-haba naman ang buhay. Tiyaga-tiyaga na lang ulit sa netbook monitor. Thank u so much for taking time. Much appreciated.

.

oOo

“Minsan masayahin ako, minsan seryoso, minsan sobrang sweet, minsan sensitive, minsan manhid. Pero kahit bangag ako, ni minsan, di ka nawala sa puso ko.”

She Is My Brother

Posted by

0

 

Ay hab a nyu beybi en SHE is a BROTHER. Hehe! Ang gulo.

Kulay pink kaya alam kong girl ‘tong si Bro ko!

image

Bigay ‘to ng sister ko – pabertdey suckin.

O ha! Kahit mahigit isang buwan ng lipas ang bertdey ko, please take note, tumatanggap pa rin ako hanggang ngayon ng legaro. :D Kaya wag na ma-stress, hindi ako masyadong istrikta sa pagtanggap kahit late na rin ang ipapadala nyong legaro.

image

Dahil may sarili na akong makina, (dati kasi humihiram lang ako sa bayaw ko) mas lalo ko pang sisipagan ngayon ang magtahi-tahi hindi lang ng mga kwento kundi ng kahit anik-anik lang. Baka nga pag kinasal ako, baka dito ko na rin tahiin sa makinang ‘to ang trahe de boda ko. Chos! Asaness pa talaga ha?

Hindi ko naman sinasabing magaling ako manahi. Pero impernes, kahit papano ay napapalitan ang kurtina namin lately. Nakapagtahi ako ng kurtina mula sa mga retasong tela na naipon ko. Simple lang na tahi. Wala ng madaming arte.

image

Nga pala, bilang pang buena mano, pagkakuha ko noon sa makina, ni-”road test” ko agad.

Paano? Binurdahan ko lang naman ang lahat ng mga panty ko.

Bawat isa ay may burdang “Monday”, “Tuesday”, “Wednesday”, “Thursday”, “Friday” at “Saturday” na ngayon. Walang “Sunday” kasi kahit papano ay may araw din naman ako na nagpapahinga sa pagsuot-suot ng panty. Hihihi! Landi!

image

Kayo ba araw-araw? :D

 

Posted from WordPress for Android

oOo

“Kapag nagmahal ka, wag mong isipin ang sasabihin ng iba. Bakit pag nasaktan ka ba, KASAMA sila?”

Pa-Help Naman

Posted by

0

.

Kainis much! Ewan ko ba kung bakit bigla na lang may nag appear na black, thin horizontal line sa mismong gitna ng external monitor ko! Hindi ko maisip panu nangyari ‘to.

Ganito ‘tsura ng guhit na tinuturo ng red arrow sa piktyur. Parang guhit lang sya ng isang black bolpen.

DSC_0126

Ni-restart ko agad ang ‘pyuter ko nang makita ko yung guhit. Akala ko ini-April Fools lang ako ng pc ko o kaya may nang gugudtaym lang sa akin. Kaso, pagreboot ko, bah! Ayaw matanggal!

Tsinek ko na rin ang mga kable pati saksakan at baka may dapat lang higpitan. Kaso waley at wa-epek ang mga pinaggagawa ko. Hmmmn…ano kaya ibig sabihin nitey? Senyales na ba ‘to na malapit ng mag-say adieu ang monitor ko? Syet! Wag naman po sana.

Kaya nananawagan ako…

Pssst! Mga friendship ko, yung mga marurunong diyan sa ‘pyuter hardware, baka may alam kayo kung paano alisin yung guhit na nakabalandra sa gitna ng monitor ko. Baka kasi dumami sya o kaya lumaki. Baka pwede magpatulong po sa inyo. Paturo naman! Yun ay kung pwede lang naman. Pero kung hindi pwede eh… pa-help pa rin. Hehe!

Nga pala, Samsung 15″ LCD SyncMaster 733NW ang monitor ko. :D

Sige naman ‘o…

 

Posted from WordPress for Android

oOo

“Bago ko binitawan ang salitang PAGOD NA KO, hindi mo lang alam kung gaano ko katagal pinanghawakan ang salitang KAYA KO PA.”