Nakakatuwang tingnan at malaman na karamihan na ng mga malls sa Metro Manila ay natuto ng gumamit ng mga brown bags at pinababayaran na ang mga plastic bags na gagamitin sa pagbabalot ng mga pinamili pag walang dala na shopping bags ang customer. Ok yun, para maging menos na talaga ang plastic na basura at mahikayat na rin ang mga mamimili na magdala ng reusable shopping bags.

Dito sa kuta ko…wala pa kaming ordinansa na nagbabawal ng paggamit ng mga plastic bags sa tindahan. Pero kahit wala pa kaming batas na ganun dito, si Mamaru ay inugali na ang pagdadala ng reusable shopping bag kahit noon pa. Laging may lugar sa bag ko ang foldable shopping bag pag umaalis ako kasi bukod sa convenient sa pagbitbit ng mga pinamili…eh para maging menos na rin ang mga tinatabi kong grocery plastic bags dito sa bahay.

Heniweys, mga “totoo” na nga kami dito sa bahay ngayon. Menos na ang “plastic” sa amin kasi ginawa ko na silang pang dekorasyon kahapon!

Looky! Looky! My DIY Christmas Wreath na gawa sa plastic bags!

Mga gamit ko: Pundidong circular light bulb (pwede rin alambre), at sandamakmak na kahit anong white grocery plastic bags (kasama na yung sando bags).

Paraan: Gugupit-gupitin lang ang mga plastic sa pare-parehong sukat at itali. Ganun lang!!! Yakang-yaka ‘to gawin ng mga bagets nyo, mga ateng!

Kung gusto mo ng dagdag na kaartehan…depende sa gusto mo, ay pwede rin!

Kung may mga alahas kang mga TUNAY na diamonds, gold, o pearls na hindi na ginagamit o napagsawaan mo na, pwede mo rin idikit dito bilang dagdag na palamuti! Eksaherada!

Dalawa ang pundidong circular light bulbs ko kaya dalawa rin ang ginawa kong korona na isinabit magkabilaan sa bintana ng entrance namin.

Happy Sabaders!

oOo

“Habang may buhay may pag-asa, hindi yung habang may buhay may pinapaasa.”