Morning Walk

My beloved furkid saying “Good morning world!” 

Sang-Sang chillin’ on our daily morning walk.

Dami kong dapat ipagpasalamat sa Diyos. Isa na dun ay yung nagagawa ko pang gumising araw-araw with a moving body at nagagawa ko pang mag morning walk with all my dogs.

Ikaw, what are you grateful today?

Lap Dog

May mga pagkakataon na hindi ko matapos tapos ang mga ginagawa ko sa harap ng laptop ko dahil may gustong magsumiksik o magpakarga.

Sabi nga nila, “chances are high that your dog likes your lap because it gives her a sense of security and comfort.”

Moment like this, I treasure, dahil hindi naman araw-araw ay naglalambing sa akin ang moret na ‘to.

“Seek my mom’s lap more often because it feels good.”

 

Argo

Kelan lang nang magkasakit ang isa sa mga furkids ko, si Argo.

Napansin ko syang matamlay  palabas ng bahay para sana sa morning walk namin. Tapos bigla na lang ayaw maglakad. La ako nagawa kundi ang buhatin sya pabalik ng bahay. Giniginaw ng ipinasok ko sya sa pwesto niya kaya kinumotan ko na agad at pinainom ng gamot.

May diarrhea din sya kaya sinigurado kong may halong dextrose powder ang inumin nyang tubig para iwas-dehydration.

Sa mga ganitong sitwasyon, nai-stress ako. Hindi ako napapakali kaya binabantayan ko talaga mga alaga ko pag nagkakasakit. Hindi rin ako masyadong nakakatulog. Ewan ko ba, eh mahal na mahal ko talaga mga alaga ko. Parang mga anak ko na kasi. Tsaka ganun nga yata talaga ang nagmamahal. Chos!

Sa awa ni Lord, hindi naman nagtagal at gumaling agad si Argo. Isang buong araw din syang panay higa lang ang ginawa niya noon.

Selfie With Will

Taken this morning.

Eto yung furkid na taga-gising ko tuwing umaga.

As early as 4am, magsisimula na sya sa pagkahol na para bang sinisigawan ako ng “Hoy madir! Gising na! Rampa na tayo!”.

Talo pa neto ang alarm clock ng selpon ko. Araw-araw yan. Walang paltos. Minsan sobrang aga talaga kung manggising at pag ayaw ko pang bumangon o hindi pa oras ng paglabas namin, isang sutsot ko lang ay tatahimik na yan. Bait. 🐕

Lincoln

Early morning walk with one of my six furkids. I do this EVERYDAY.

I have 6 dogs. Each dog walks with me for at least 20-30 minutes (+- 2 hours) EVERYDAY.

This is Lincoln.

Mag Alaga Ay Di Biro

Dioskopo! Sobrang nabugbog ako sa gastos ngayon.  Akala ko magbubuhay-petiks na lang ako dahil tapos na sa pag aaral ang dalawa kong anak at may kanya-kanya ng mga trabaho. Hindi pa pala. Nakalimutan ko may 6 pa akong binubuhay na aso. Nope, hindi naman sa nagde-demand ang mga alaga ko na pag aralin ko sila. Heh!  

The other week may fever si Will, isa sa apat kong male dogs.


First time na may nagka-fever sa mga alaga ko at siempre worried ako kasi hindi kumakain at nanghihina. Nai-stress ako kaya takbo kami agad sa vet. Buti na lang wala masyadong complication ang lagay nya pero dumaan pa rin sya sa mga lab test. Buti na lang at nakabawi agad ang mokong, gumaling at okay na ngayon. Check up lang at test pwera gamot, siningil ako ng vet ng P750.00.

After 5 days,  si Sang-sang naman ang nagpakita ng inactivity.

Ayaw kumain at laging nakahiga at nanghihina. Takbo na naman sa vet. Lab test ulit at kelangan i-ultrasound kasi may duda ang vet na baka may Pyometra (infection in the uterus). Positive. May early sign of Pyometra si Sang. Total bill: P1,200.00

   

Lethal ang Pyometra sa mga female dog pag hindi naagapan ang paggamot. At ang tanging solution? Surgery. Spaying.

Miyembro na ng pamilya ko ang mga aso ko. Sila na lang ang mga kasama ko ngayon at kung magagawan ng paraan…ayokong may masamang mangyari sa kanila.

Nag decide ako agad na ipa-opera si Sang.  Believe me, I prayed hard na maging maayos ang operation nya. This time, inabot ng P9,700+ ang bill ko. Pero kebs. Anak na ang turing ko sa mga alaga ko.

Ngayon ay nasa bahay na ang operada at nagpapagaling.

But wait, there’s more! Di pa matatapos ang gastusin ko kasi bukod na kelangan kong ipa-distemper shot ang mga alaga ko sa susunod na mga araw, plano ko rin ipa-spay ang isa kong girl at ipa-neuter naman yung 4 na lalaki.

Malaki ang naitutulong sa akin ng mga alaga ko bukod sa mga naibibigay nilang kasiyahan sa akin. Pero ang mag-maintain ng mga alaga ay di biro. Seryoso ako.

Waaaah! Kaya wag kayo magugulat kung mabalitaan nyong nagtutulak na pala ako ng droga para may panggastos ako sa mga aso ko. Charot!

Pakyut

Ang alaga kong nakasuot ng fur coat kahit summer. Hihi!

Super bait nyan!