Tapos na ang extended days-off ko. I didn’t feel fully rejuvenated pero ok na rin. Kahit papano nagkaroon ako ng break sa daily routine ko as domestic engineer. Kahapon, pauwi na lang ako ay na-imbyerna pa ako ng todo sa huling araw ng bakasyon ko. May mga tao talaga na kasiyahan na yata ang makapang asar! May mga talent silang palpak dahil palaging wala sa tyempo ang pang-aasar na ikapipikon mo talaga hanggang buto. Katatapos lang ng period ko pero parang duduguin ako ulit sa sobrang inis ko kahapon.

Anyways…hindi tungkol diyan ang topic ko. Eto yun.

“…puro yabang. pasikat! Palpak naman!”

Yan ang narinig ko sa kasabayan kong pasahero sa eroplano. Napalingon ako. Nakaismid at kitang-kita ko sa mukha ni kolokoy na dismayado na naman sa sistema ng Cebu Pacific Air sa pagpapaalis ng mga pasahero nila. Medyo natatawa pa ako kasi pareho kami ng nararamdaman – parehong INIS!

Medyo ok naman ang experience ko sa unang apak ko sa pinakabago at pinakamalaking airport ng bansa – ang NAIA 3 noong August 25. Maayos naman. Pero ARRIVAL yun.

Kahapon sa departure namin pabalik ng Mindanao ang nakakadismaya. Eh kasi naman. Kung bibilangin ko ang akyat-panaog na ginawa ko sa NAIA 3 … naka-apat na beses yata na yun ang ginawa ko. Matutuwa na sana ako dahil sa wakas nasa NAIA 3 na ang terminal ng Cebu Pacific. Siempre naman world-class na ang airport eh. Pag tiningnan mo nga sa labas eh masasabi mong may panama talaga at pwede na rin ihilera sa malalaking airport ng ibang bansa. Maganda kung sa maganda. Hindi mo na ikakahiya.

Ini-expect ko na pag pumasok ako ng NAIA 3…malamang maya-maya lang ay hindi ko na mapapansin na nasa loob na pala ako ng eroplano. Ganun naman dapat yun di ba?

Nag excess ng 7 kilos sa baggage ang ate ko kaya nag volunteer akong bitbitin na lang yung isang maliit na trolley bag niya. Maliit at hindi naman kabigatan at walang problema kahit bitbit ko rin ang laptop bag ko. “Kaya ko ‘to” sabi ko.

Sabi ng boarding pass namin, nasa gate 116 naka-assign  ang eroplanong sasakyan namin pauwi ng Cagayan de Oro. Pagpasok namin sa Gate 116…nyay! more or less may 15 steps yata kaming bababaan na hagdan papuntang boarding area. Hmmmmn…syet! parusa ‘to kasi nga may bitbit akong trolley! Pero oks lang. Since  medyo maaga naman ang check-in namin ng ate ko, eh inutusan muna ako para bumili ng coffee. So la magawa, akyat ako ulit palabas ng boarding area at baba ulit nung bumalik. Hays…

Eto na, mga 20 minutes before boarding time, inanunsyo na ang lahat ng pasahero bound for CDO ay pinalilipat sa Gate 120. Naknampekpek! Ibig sabihin aakyat na naman ako dun sa hagdan na yun?

Nways, sige. Again, ‘la ako magawa eh. Akyat ulit.

Gate 116 to Gate 120….may kalayuan din pero ok lang dahil sabi ko nga, maganda naman ang loob ng NAIA 3.  Sarap maglakad pag bago ang carpet. Shushal!  Ayus lang din naman ang daan papasok sa tube. Habang naglalakad, naalala ko tuloy ang ibang airport na napuntahan ko nung nagwo-work pa ako sa abroad. Nag-summon up pa ako ng sandali sa nakalipas ko. Lols. Siempre, since nasa tube na kami so isip-isip ko ilang segundo na lang eh nasa loob na kami ng eroplano.

Pero teka, hindi eh!

Sa dulo ng tube…bakit wala akong makitang pintuan ng eroplano? Ay Puta! Hagdan! May hagdan? At bababa na naman kami sa hagdan? Mga ayuf! Parang gusto ko magpatihulog na lang para ilang saglit lang nasa ibaba na ako agad. Lols. Taena! Biglang pumangit ang tingin ko sa bagong NAIA 3!

At pagbaba namin naghintay pa kami ng bus para isakay kami papunta na mismo sa kung saan nakaparada ang eroplano. Josko! So hila…buhat…bitbit…hila na naman ako sa trolley ng ate ko. At yun nga…naririnig ko na ang mga kasama ko sa may likuran na nagrereklamo na. Ang hassle kasi eh! Ang init pa.

Naiinis na ako habang nasa bus. ‘Tong ginagawa ng Cebu Pacific Air, kumbaga sa pelikula…ok na sana. Gandang-ganda ka na sa istorya kaso sa may ending biglang naging LOUSY. Biglang pumangit! Gusto mo sumigaw ng “Harang!” “Boooo!”

Ilang minuto pa, sa wakas nasa ibaba na kami ng eroplano. Tumingala muna ako bago umakyat ng hagdan ng plane, naghagilap ng konting lakas sa pagbitbit ulit ng bag at habang bumubwelo, isip-isip ko siguro naman huling akyat ko na ng hagdan ‘to.

Pinagpawisan ako, tsongggg! Pagpasok ko sa door ng eroplano, nakahinga nga ako ng maluwag pero kasabay naman nun ang pakiramdam na parang nasa may tuhod ko na ang matris ko! Tangna! Parang bumaba ang matris ko sa pagod. Natagtag ako!

World-class daw! World-class my ass!

Last month lang lumipad ako from Cagayan De Oro to Manila via Cebu Pacific Air.

Nai-blog ko na rin ang hinaing ko tungkol sa ka-kuripotan ng eropleyn na ‘to. Pero impernes naman, kunswelo na rin ang palaging pag-assign nila sa akin sa may window seat kahit hindi ko nire-request upon check-in. Peborit ko kasi umupo sa may bandang bintana.

Nagkaroon din ako ng memorable moment sa huling sakay ko ng CebuPac kasi naman, sa pagkakataon na yun I was able to witness the grandeur of God’s creation – the view of the SUNSET sa ere! Ganda! Iba talaga ang dating sa akin ng sunset. Habang pinapanood ko ang paglubog ng araw sa himpapawid, para na rin akong nakaharap sa isang napakalaking canvass ng pinakamagaling na pintor ng sanlibutan – si God.

Kainis nga lang, nakaharang ang malaking pekpek pakpak ng eropleyn ng kinunan ko nung piktyur.

Since last flight ang naging sched ko . . . gabi na nung lumapag kami sa domestic airport. Teks ko agad si brader ko para sunduin ako. Nag reply naman. Nakow, male-late daw ng mga isang oras sa pagsundo.

Eh nakalabas na kaya ako ng arrival area kaya no choice kundi ang tumambay sa labas at maghintay ng mahigit isang oras kay bro. Paunti-unting nagsi-alisan na ang mga kararating lang na pasahero. Halos wala ng tao…yung mga jaguar (gwardya) na lang at ako ang naiwan.

Mga oras na ganun eh marunong na rin ako dumiskarte para hindi mainip kahit walang makausap. Sabay ng pagsalampak ko ng upo sa baggage trolley, hinugot ko selpon ko. Ayun! Inaliw-aliw ko na lang sarili ko sa pag kodak-kodak gamit ang selpon camera.

Kami na lang ni mamang guard ang naiwan. Hmmmn… at masama pa yata ang tingin sa legs ko ni mamang jaguar. Jokeee! Kunyari lang! Feeling ko lang yun. Wahihi!

Yan…kinodakan ko na rin fez ko na mukhang gutom na talaga sa kahihintay.

• Return Flight

Kung noon ay nasa last flight ang biyahe ko papuntang Manila…nasa first flight naman ang sched ko nung umuwi ako. Mas mura kasi ang rate sa ganitong oras ng biyahe. Kung boring ang biyahe ko sa Cebupac papuntang Manila… kabaliktaran naman ng return flight ko to Cagayan De Oro when i took the Philippine Airlines.

As early as 4am nasa Terminal 2 na ako. Medyo naging kakaiba ang experience ko na ‘to sa pagsakay ko ng PAL. Pag check-in ko pa lang baggages ko, abah! Hindi na ako pinapila. Pinaderetso na ako dun sa isang counter na ako lang ang inaasikaso. Kakagulat! hihihi!

Ayos ‘to, sabi ko. Para akong VIP. (Very Idiotic Person)

Tinimbang bagahe ko, hala! Excess ako ng more than 2 kilos! Pero deadma lang nila at hindi na ako pinagbayad. Hmmmn… isip-isip ko, siguro may kras sa akin yung mama sa may counter kaya hindi na pinabayaran sa akin. Lolz.

Uy! with matching PRIORITY tag pa ang ikinabit sa mga bagahe ko. Weee! Feeling-VIP na talaga ako!

At eto pa, pagka abot sa akin ng boarding pass ko, abah, napansin ko may note pa sa gilid ng boarding pass ko. “ok to Mabuhay Lounge“. Sabay bigay na rin ng instruction sa akin kung saan ako dadaan papunta sa lounge. Naks! Astig ako!

Hindi eto ang una kong biyahe sakay ng PAL, pero pers taym ko mapadpad sa Mabuhay Lounge nila. O di ba, bongga? Eh domestic lang naman ang biyahe ko tsaka nasa promo rate pa ang tiket ko. Halatang nagtitipid.Lolz!

Pagpasok ko sa Mabuhay Lounge, asus ka-daming lafang! Mabuhay talaga! Pero sa totoo lang nagtanong muna ako dun sa loob kung libre ang food. Hahaha! Hindi lang ako jologs – ignuramus ko pa. ‘Langya! Naniniguro lang ako at baka kasi singilin ako, eh alam naman natin kung ano ang presyo sa airport – doble lagi. Oo daw. Abaw gid! Tamang-tama, wala pa akong almusal. Coffee ang una kong sinunggaban. Hindi pwede simulan ang araw ko ng hindi nagkakape.

Well, nalito lang naman ang kamay at pati tinidor ko kung ano una kong titikman sa buffet table. Di ko na kinunan ng pics ang lahat kasi tinablan na ako ng hiya. Basta nasarapan ako sa Mango Crepe nila at sandwiches.

Kumuha din ako ng rich in potassium na saging kasi naalala ko si Annie BANANA at ang avatar niya. Hahaha!

Kainis lang kasi pagdating sa kainan, mahina ako. Madaling makuntento bituka ko kaya di ko rin natikman lahat ng food dun. Tsk!Tsk!Tsk! Free pa naman. Gayunpaman, nagpakabusog pa rin talaga ako.

Promo rate airfare lang ang kinuha ko sa PAL pero kahit inabot ng 48 years ang Air21 sa pag deliver ng ticket sa akin – napasakamay ko naman ang tiket ko ng LIBRE! At kung nalibre … na upgrade man o naging privileged passenger ako sa biyahe ko nung sunday ay dahil sa kabutihang-loob ng taong ‘to —> si Optimus Prime aka Defpotec! Whoa!

Moo, grabe ka – mahahalikan ko talaga pwet mo! At kung powers din lang ang pag uusapan. Salamat at naambunan mo ko ng powers mo. Tenk kyu, tenk kyu sa walang kapaguran mong pang so-sorpresa sa akin lagi. Tunay kang gimikero! Swerte ng babaeng magiging syota mo sa walang kupas mong ka ek-ekan. Kaya koling-koling sa mga babaeng maliligawan ni Moo – sagutin nyo agad, wag nyo na pakawalan ang mokong na ‘to at hindi kayo magsisisi! Tingnan nyo naman ang pic nya – likod pa lang ulam na. Sarap higaan sa lapad.

Moo, madalas mo kong sampolan ng kabaliwan mo pero honestly, eto ang isa sa mga nagustuhan kong pang gu-gudtaym mo sa akin. Bwahahaha!

Maraming salamat sa libreng biyaheng-langit.

Grabe! Ang yaman-yaman nila. Di ko nga ma-picture sa utak ko kung ano ang itsura ng bilyones nilang pera. At ano kaya klaseng pamumuhay meron sila? Kumakain din kaya sila ng isdang-paksiw na may amplaya? O kaya pritong galunggong na may sawsawan na toyo at kamatis? Ginto kaya etchas nila? Wahihi. Nakapikit din kaya mata nila kung natutulog? O baka naman sa kaiisip kung papano pa palalakihin negosyo nila eh walang tulugannnn na.

Ang di ko lang maintindihan ay kung bakit sa laki ng yaman nila, bakit di nila makuhang magpa-meryenda man lang sa mga pasahero sa pag-aari nilang Cebu Pacific Air.

Suki na ako ng Cebu Pacific Air kahit noong hindi pa uso ang promo fares nila. At kahit noon pa man eh tipid na tipid na sila sa inflight snacks hanggang sa tuluyang hindi na nga sila nagbibigay ngayon. Sabi nga ni brader ko, kahit nga daw yung international flights nila alaws din daw lafang.

Sus, naturingan pang sila ang isa sa pinakamalaking manufacturer ng mga junk foods o chichirias ng bansa – ang Universal Robina Corp. Kainis, di man lang nila makuhang magbigay ng kahit tig isang Chiz Curls o kaya Maxx menthol candy para naman hindi mapanis ang laway. O kaya kahit Boy Bawang na lang para may manguya ang mga pasahero.

Wag na wag ka sana sumpungin ng pagka uhaw habang nasa biyahe… kasi hindi libre at bibilhin mo ang tubig sa kanila. Pinakamaliit na bote ng mineral water ay singkwenta pesos! Nakmanpepe! Balak ko na tuloy magbaon na lang din ng sarili kong tubig, kanin at ulam sa susunod na sasakay ako sa kanila.

Napaghahalata bang mahilig ako tsumibog? Hehehe! Ang sa akin lang naman ay—halos pareho lang naman sila ng promo rates ng karibal nilang Airphils tsaka PAL pero bakit ang mga ‘to eh merong naibibigay na makukukot sa pasahero?

Di ako magtataka kung balang araw pati pag wewe sa lavatory ng CebuPac ay may bayad na rin na P5. At MAS lalong hindi ako mabibigla kung isang araw pagpasok ko sa loob ng eroplano eh electric fan na lang ang gamit ng CebuPac para talagang todo-tipid sila sa gas! Ayos!