Noon pa man, dream city ko na talaga ang Paris, France.

Noon, pangarap ko ang makita ang Eiffel Tower sa malapitan. Ewan ko ba kung bakit gustong-gusto ko ang lugar na yan. Hindi naman sya kalinisan kung tutuusin o kamangha-mangha talaga. Pero gaya ng sinasabi ng iba, may ibang karisma talaga ang siyudad. Hanggang ngayon, tuwing nakakakita ako ng piktyur ng Eiffel Tower, parang wet na agad o INLAB na naman ako. Char!

Paris, FRANCE

Nangolekta na ako iba’t ibang kuha o anggulo ng tore kahit noon pa. Sabi ko, balang araw magkakaroon din ako ng sariling kuha ng tower. Yun ako mismo ang kokodak.

Kaya noong pinalad ako na mapuntahan ang dream city ko, hindi ko pinalagpas ang pagkakataon kumuha ng picture kahit digicam lang ang gamit ko. (Kung hindi hi-tech ang dala mong kamera, mahirap kumuha ng pic lalo na pag gabi.)

Nway, this is my favorite shot of all.

IMG_5095

Proud ako sa kuha ko na ‘to kasi tsipipay lang ang kamera na gamit ko dito. Todong tingala ang ginawa ko para lang pagkasyahin sa frame ng camera ang Eiffel Tower.

Juice ko! Hirap ako sa sitwasyon ko noon kasi sobrang lamigggg pa! Hindi ko namamalayan, tumutulo na pala ang uhog ko dahil sa ginaw at nangangatog na ang baba ko! Footah talaga! Autumn kasi noon.

Maalala ko pa, nenerbyos din ako noon kasi humiwalay ako saglit sa mga kasama ko para maghanap ng medyo ok na pwesto o anggulo. Eh binalaan kasi kami na mag-ingat kasi madaming mandurukot at snatcher na umaaligid sa Eiffel para mambiktima ng sandamakmak ng mga turista na nandun day and night. Scared ako shempre – baka ma-snatch ang cheapangga kong camera. Haha!

Aliw na aliw ako sa dancing lights, sa pagpapalit-palit ng ilaw ng tore. Nakakatulala.

IMG_5099 IMG_5100

Kung papalarin ulit, wish ko ang makabalik sa lugar na ‘to kasi aaminin ko, bitin ako sa rampa ko noon sa dream city ko.

 

oOo

DSC02482

Nag-ayos ako kanina ng mga picture folders kong mga nakakalat sa hard drive ko. Natigil ako dito sa isang peborit kong kuha na larawan. At biglang nag senti-mode lang naman si Mamaru.

‘La lang, na-miss ko lang naging high feeling ko noon habang nasa lugar na ‘to, lalo na ang pagpupursige mong makarating ako dito.

Balang araw babalikan ko ang Dream City kong ‘to. Balang araw sa pagbalik ko, gusto ko kasama na kita. Balang araw, tatayo tayong dalawa dito sa tuktok ng tore na ‘to…na  magkayakap… na magkahawak-kamay… na parehong may tali sa mga paa…na magpapa-stolen shots habang nagba-bungee jumping! Ayus!