Kagamitan Sa Bahay

 

Nabanggit ko dati na last summer ay namili kami ng mga bagong kagamitan sa bahay sa Caloocan City kung saan malaki-laki din ang naging diskwento namin doon kung ikukumpara sa presyo sa mall.

Aktwali, medyo panis na ‘tong entry ko kasi last month pa dumating ang mga gamit na ipina-ship namin mula Manila hanggang dito sa Iligan City. Ngayon lang ako naka-tiempo na i-blog ‘to. Heniways, a total of 17 boxes lahat-lahat ang inabot ng mga furniture composed of living room set, dining set, at bed. Mahigit isang linggo ang paglalakbay neto sa karagatan. Nung dumating. halos mapuno lang naman ng mga kahon-kahon ang mansiones ko. Hindi ko na ipinapasok yung iba sa loob ng bahay dahil wala na kami madadaanan.

DSC00444-1

Malaki din ang naibayad namin sa shipment papunta dito sa Iligan City pero sa kwenta-kwenta ko, ok lang kasi kahit gumastos kami sa shipment, malaki pa rin ang na-discount namin. Gaya na lang netong L-shaped (4-piece) living room set.  Nasa 5-6 thousand pesos ang price difference nila (Caloocan vs mall).

DSC00454-1

Kaya gusto ko talaga i-blog ‘to dahil parang tip ko na rin ‘to sa mga nagbabalak na bumili ng mga furniture. Mga kapatid, doon na kayo Maypajo Street, Caloocan City mamili.

Pero kung ako sa inyo, bago kayo pumunta dun, tingin-tingin muna kayo sa mall. Hanap kayo ng design o style na gusto nyo at tandaan nyo na lang ang mga style at presyo para pagpunta nyo dun sa Caloocan eh alam nyo ang gusto nyo kasi baka malito kayo sa dami ng mga design dun. Tsaka para may comparison kayo ng presyo. Kung may talent kayo sa pang-uuto, baka mas matawaran nyo pa ng mas mababa retail price nila.

DSC00455-1 

Hindi nga lang naka-aircon ang mga tindahan doon at hindi maayos ang pagkaka-display ng mga items, pero ang laki talaga ng matitipid nyo. Tiyagaan lang kung gusto nyo makamura dahil yung mga tinitinda nila eh yun din naman ang makikita nyo – halimbawa sa SM Home World. Libre naman delivery sa kanila basta within Metro Manila lang.

Dito sa dining set namin…nasa 5-7 thousand din ang natipid namin. Naikumpara ko sa brochure ng SM Home World ang ganitong 6-seater, siempre sobrang mas mahal ang sa SM.

DSC00674

Alam nyo bang ako lang mag-isa ang nag assemble ng buong dining set na ‘to? Howel, ganyan lang naman ka-astig si Mamaru! Wahihi! Umandar kasi kabaratan ko at namamahalan ako dun sa 500 petot na sinisingil sa akin nung mama na mag a-assemble sana.

Dahil sa nangahas talaga ako na i-assemble ang mga upuan at ang mesa…siempre hindi naiwasan na lumabas pa rin pagka-engot ko.

Andun yung bali-baliktad ang pagkakabit ko! Nagharap ang paa sa unahan at ang sandalan. Hayss…siempre, baklas at ulit na naman ako.

DSC00452_2 

Sensya naman. Magandang babae lang po ako. May kahinaan. Pero wag ka, sakses pa rin naman.

DSC00676_2

Eto naman ang bagong bed namin ni Kups. Nasa 6-7 thousand din ang nakupit ko kay Kups este nadiskwento ko dito kumpara sa presyo sa mall.

Josko, nasaid ang lahat ng powers ko sa pag assemble ng bed. Ambigat kasi nung kutson. Parang sinipsip lahat ang lakas ko.

Pero sabi ko, ok lang kasi dito… oo, DITO kami maglulunoy sa kaligayahan ni Kups pag nakauwi na sya ng Pilipayns. Ayayaay!

DSC00462-1

Hinigpitan ko talaga ng todo ang mga screw neto, inayos ng pulido ang ilalim…para siguradong hindi babagsak sa anumang papalapit na umaatikabong bakbakan!  Awoooooo! 

%d bloggers like this: