Aylabit

Lab lab lab ko ang bagong throw pillow covers ko sa living area namin. Na-shoplift ko ‘to last week sa isang korean store sa halagang 30 petot bawat isa.

O di vah, halata ba na walang kahilig-hilig sa matitingkad na kulay si Mamaru?

DSC03179_2

“Cute” daw sabi ni Keziah na pinakiusapan kong maglagay ng mga cover.

Pero kay Kevin, aprub ba ang mga nabili ko? Nagtanong pa ang mokong bakit daw ako pumili ng mga ganitong kulay. “Bakit?” tanong ko. Sagot ng kritiko ko, “Eh kasi parang Jolinang-jolina ang dating eh.” Haha! Namintas pa ang Kevintot. Hmp!

 DSC03176_2

Bucket bah! Eh gusto ko lang naman magkaroon ng bale accent (accent daw o!) ang living area namin. Para madagdagan ang sigla bagah.

DSC03178_2

Maganda naman di ba? Haha!

 

 

oOo

"Nakakapagod magtaray. Dapat pumapatay na lang eh" – Eugene Domingo, Ang Tanging Ina Mo… Last Na ‘To (2010)

 

.

Our Home – Living Area

BEFORE (December 2008)

living area

Fourteen years bago napalitan ang rattan sala set namin. Karamihan ng mga furniture namin noon..kaedad ni Keziah. Kung hindi pa uuwi si Kups…baka ganyan pa rin ang tsura. Ang lumang TV namin na hand-me-down ng brother ko…gusto na ni Kups na ipatapon. Siempre hindi ako pumayag. Ako pa! Gumagana pa naman kasi.  Inilipat ko sa kwarto at hinanapan ko talaga ng espasyo.

AFTER (July 2010)

DSC00778

Ganitong arrangement pa lang ang pwede kong gawin sa area na ‘to na malapit sa main door namin. Kulang-kulang pa ng furniture/furnishing. Basta ang gusto ko lang – less clutter.

DSC00779_2

Light beige na pintura ang unang ipinalit ko sa living area namin. Kaso hindi naging maganda ang epek.

DSC00689

Parang ang lungkot at ang dilim ng epek kahit puro kami bintana dito sa bahay. Hindi kasi maganda ang pagka-mix ng tint. Kaya pinapalitan ko  ng light yellow na shade.

DSC00688

DSC00691

Karamihan ng mga furnishings namin sa ngayon, pinabili ko lang sa brother kong si Evan na nasa Manila. Hirap din kasi dito sa probinsya namin…wala masyadong choices o tindahan na mapupuntahan para sa mga gusto mong gamit sa bahay o deco.

Dumayo pa si utol ko sa Cubao para maghanap ng SALE ng mga lamps na gusto ko. Gusto ko kasi yung naka-SALE lang. Hehe! Yung dalawang  lamp sa itaas…puro 50% off. P1500 yung stand lamp at P1,300 naman yung maliit.