Mahirap nga ba makipag MU?

“Kami na ba?”

“Parang mag-on, parang hindi.”

“Kayo pero hindi pa rin kayo”.

Pamilyar ba sa inyo ang ganyan? O na-experience nyo na ba ang makipag-MU (mutual understanding)? Eh ano naman ang kinalabasan? At may kinahangtungan ba?

Naisip ko lang ang gumawa ng ganitong entry kasi may mga tatlong blog yata akong napasyalan last week at lahat ay may tema tungkol sa pakikipag-MU nila na nauwi sa pagiging broken-hearted na sa palagay ko naman ay hindi dapat nauuwi sa ganung sakitan, iyakan o sa pagiging luhaan sa huli.

Walang masama sa pakikipag-MU at minsan ay hindi mo talaga maiiwasan ang maka-experience ng ganitong relasyon.

Para sa iba ito ay isang “bizarre” kind of relationship. Dito talaga magkakasukatan kung gaano kalalim ang pang-unawa mo at magkakaalaman din kung gaano kalawak ang kayang abutin ng isip mo. Mas makikilala mo dito ang sarili mo – kung anong klaseng partner ka ba talaga?

Kung ikaw ay ang tipo ng syota na selosa, gusto ng nilalambing palagi ,o kaya isang attention-whore – ay! Di uubra sayo ang tinatawag na makabagong emyu.

Sa punto de vista ko (naks!), mas pabor ako o mas gusto ko ang ganitong relationship. Malamang marami din ang pabor gaya ko o kaya kontra – pero depende na lang sa klase ng tao at kung anong pananaw sa buhay meron sya.

Gaya ng ibang relationship, nag i-evolve din ang pakikipag-MU. Nagiging makabago. This is a self-style kind of mutual understanding and for some women (like me), it’s not exactly a bad thing.

Ano nga ba ang makabagong mag ka-MU?

Eto yung “i’ll be your bf — sort of, and you’ll be my gf — sort of”.

Both of you go on date, madalas magkasama nanonood ng movies, kumain sa labas, mamasyal, magkasama sa mga out of town trip, nagti-text ng araw araw, nagtatawagan, at yung iba pa nga they involve each other into having incredible sex pa. Lols. Parang walang halos sa pinagkaiba sa mag syota din. Eto rin yung chinuchuva na “more than friends, less than lovers” kuno.

Kung may ka-MU ka, o malamang nahantong sa nagka-EMYUhan kayo bcoz you share the same belief about life, family, u share each other secrets…and both of you are more aware na mas malalim pa ang koneksyon nyo sa isat isa sa maraming bagay. You both see the relationship as more than friendship or casual sex (kung may sex man).

May problema nga lang (para sa iba) ang ganitong klaseng involvement dahil pag-MU kayo, maliwanag na hindi kayo committed sa isa’t isa.

Magkasama nga siguro kayo palagi ng halos araw-araw pero hindi kayo mag-steady. Wala dito ang mga kadalasan na “ritwal” o “obligations” gaya ng mag-steady talaga. Gaya ng kinakailangan pang magpaalam sa bf/gf kung lalabas at sasama sa gimik ng barkada. Walang may magbabawal.

Sa ganitong set up, libre pa rin kayo para makipag kita sa ibang tao. Walang exclusivity. Kaya nga hindi pwede dito ang mga selosa eh. May kanya-kanya kayong “space”. Hindi rin pwede ang mga-NAGGER sa ganito. Hehehe!

Pero problema nga ba ang walang commitment? Karamihan sa lalaki ay takot sa commitment pero hindi lang din ang mga lalaki ang commitmentphobic. May mga babae din noh. Ayos din pag walang commitment kasi, there’s more freedom, less demands.

I see it this way also, bakit ko pa kakailanganin ang commitment kung pareho lang naman ang makukuha kong emotional at spiritual intensity of connection gaya ng sa “mag-syota”? Im not saying that I don’t want to be settled and married to the right person at the right time, ang ayaw ko lang ay yung may pressure na kelangan na siya na.

Sa MU, hindi obligasyon o kinakailangan ang makipag-pisikalan (sex) pa ako dun sa taong gusto ko kasi hindi mo nga syota eh. Kaya hindi ba mas maganda pa ang makipag MU na lang kesa makipag syota? Sa MU, lesser ang chances that you will get hurt or feel taken advantage.

Bihira pa ang LQ o away pag MU lang kayo. Wala masyadong may mag-iinarte. Eh kasi bihira nyo pag uusapan dito ang feelings nyo sa isat isa nor you hardly talk about where each other one stands in the relationship. Walang ay labyuhan pag MU (kaya nga mutual eh) Pareho kayong MUTE dito. Lols. Mas dinadaan sa action ang thoughtfulness at pagki-care sa ka-emyu mo kesa salita lang.

Kaya lang naman nagkakaroon ng sakitan ng damdamin sa emyuhan pag nagsisimulang umasa na ang isang tao. I know that this is easier said than done, pero dapat talaga ini-enjoy na lang ang company ng isa’t isa. Yun naman ang hangarin natin di ba? Ang maging masaya. Eh pag naging kayo o kaya naitulak at umabot kayo sa level na napagkasunduan na i-commit ang sarili nyo sa isa’t isa eh di mas mabuti! Mas wagi yun!

Pero kung maaari nga lang…wag masyado umasa para hindi dumugo ang puso mo kung sakaling makakita ng syota ang ka-emyu mo. Pero panu ka naman ipagpapalit ng ka-emyu mo kung sa ‘yo pa lang eh kuntento na sya nangyayari sa inyo?

Amp! Ang haba na ng satsat ko.

Ok ganito na lang, kung GUSTO o SANAY KA SA ISANG TRADITIONAL INTIMATE RELATIONSHIP….then the new MU — it’s not for you. Period.