May TAG sa akin ang everdearest friendlalu kong si Christian aka Chico aka Bhe aka Isagani (nauna ko syang nakilala sa handle name na Doc Isagani).

Ang TAG: i-chuva ko raw lahat ang mga namesung chenes ko. Sabi ko, Ok sige, eto na, eto na, eto na!

• BABY

Eto talaga ang orig na petname na binigay sa akin ng magulang ko sa akin. Baby, kasi ako ang bunso sa anak na babae tsaka kala talaga nila ako na ang last kaso medyo gigil pa tatay ko sa nanay ko noon at hindi pa sila nakuntento at nasundan pa ako ng isang menopausal baby boy. 

Dalawang tao na lang ang nariringgan kong tumatawag sa akin ng BABY ngayon. Yung bayaw ko (tatay ng ka-berks kong si Tweet) at yung high school bespren kong si Faith. Nami-miss ko rin minsan ang pet name kong ‘to.

• PEACAT (Peax, Pcat)

Screen name ko to sa showbisnis. Joke!

Sa real world (naks!), I’m more popularly known in this name and eventually naging official nickname ko nga ‘to. Mga kapatid, mga pamangkin at mga close friends, mga bro and sis ko sa Masonic group ay yan ang tawag sa akin.

• TERE, TERESA

Pag gusto ko ng pormal-pormalan, o kaya pag may nakikipag-kilala sa akin, eto ang sinasabi kong namesung ko. O di ba, tunog-normal! Angkop na angkop sa conservative image ko ang name na itetch. Tsaka hindi naman kasi ako nalalayo kay Mother Teresa sa pagiging busilak ng puso kaya bagay talaga sa akin. Charot!

• MARIA

Tawag sa akin noon ng French boss ko sa Dubai. Gustong gusto ko pag tinatawag ako ng boss ko sa name na to kasi feeling ko ang virgin-virgin ko. Lols.

• MARUJA

Eversince na nagsimula akong lumandi sa Yahoo, eto na ang naging alias ko. Walang ibang MARUJA sa mga Yahoo user/chatrooms noon kundi ako lang. Naks! 

• MARU

Naging isyu minsan ang handle kong MARUJA nung pumasok ako sa blogosphere. Eh kesyo nakikigaya daw ako sa pag gamit ng handle na ‘to. Eh ayoko ng gulo kaya I decided na gawing MARU na lang para naman magkaroon ng “world peace”. Ayun, at pinakawalan ko na ang Maruja kaya dun sa mga umaangkin, saksak nyo na lang sa ngala-ngala nyo ang name na yan. Tehehe!

Ipapasa ko ang TAG na ‘to kay Gasoline Dude tsaka kay Kat Carneo.

Ayaw ko sana i-reveal ang tunay na meaning ng palayaw ko kasi sa totoo lang parang nakakahiyang sabihin. Tsaka parang hindi nababagay ang meaning nya sa “konserbatibo” kong imahe at pananaw sa buhay.

Pero naisip ko na mas madali ang magsabi ng katotohanan kesa kasinungalingan. Tutal in-na-in naman ang pagpakatotoo kaya sasabihin ko na rin ang real meaning ng pet name ko.

Am sure alam to ng babaeng madalas mag-nosebleed, ang waray na si  Malen.

Pinanganak kasi ako sa Samar at ang salitang “Pikat” (Pee-kat) is a waray term na ang ibig sabihin eh naughty o flirty.

Ewan ko ba, panganay na Ate ko ang nagbansag neto sa akin nung maliit pa ako kasi napaka-“pikat” ko raw. Mukhang nakitaan na yata talaga ako ng talent sa kalandian nung bata pa ako a. Lols!

Pinaganda na lang kunwari ang spelling ng pet name ko at ginawang PEACAT nga. Kyut ba?